ធនាគារ ខេប៊ីប្រាសាក់ បានចូលរួមយ៉ាងពេញទំហឹងក្នុងនាមជាអ្នកឧបត្ថម្ភកម្រិតមាស ក្នុងព្រឹត្តិការណ៍ប្រកួតកីឡាវាយកូនហ្គោលដ៏ធំ AIA Prestige Gold Championship ដែលបានប្រព្រឹត្តទៅយ៉ាងឱឡារិក នៅលើទីលានលំដាប់អន្តរជាតិ វឌ្ឍនៈ ហ្គោល រីសត។
ព្រឹត្តិការណ៍លំដាប់ជាន់ខ្ពស់នេះ បានប្រមូលផ្តុំទៅដោយអ្នកវាយកូនហ្គោល ព្រមទាំងធុរជន និងដៃគូអាជីវកម្មមកពីគ្រប់វិស័យ ដើម្បីជួបជុំគ្នា ផ្លាស់ប្តូរបទពិសោធន៍ និងពង្រឹងបណ្តាញទំនាក់ទំនងពាណិជ្ជកម្មឱ្យកាន់តែរឹងមាំ។ ការជួបជុំគ្នានេះ មិនត្រឹមតែជាការកម្សាន្ត និងការប្រកួតកីឡាប៉ុណ្ណោះទេ ប៉ុន្តែជាឱកាសដ៏វិសេសវិសាលក្នុងការបង្កើតកិច្ចសហប្រតិបត្តិការអាជីវកម្មថ្មីៗ។
ការចូលរួមឧបត្ថម្ភនេះ បានស្តែងឱ្យឃើញយ៉ាងច្បាស់ពីការប្តេជ្ញាចិត្តយ៉ាងមុតមាំរបស់ ធនាគារ ខេប៊ីប្រាសាក់ ក្នុងការចូលរួមលើកស្ទួយវិស័យកីឡា លើកកម្ពស់សុខភាព និងរួមចំណែកយ៉ាងសកម្មក្នុងការអភិវឌ្ឍសហគមន៍ធុរកិច្ចនៅកម្ពុជាឱ្យកាន់តែរីកចម្រើនប្រកបដោយនិរន្តរភាព។
ធនាគារ ខេប៊ីប្រាសាក់ ម.ក ដែលជាបុត្រសម្ព័ន្ធរបស់ធនាគារ KB Kookmin Bank នៅប្រទេសកូរ៉េ គឺជាធនាគារពាណិជ្ជថ្មីមួយនៅក្នុងប្រទេសកម្ពុជាដែលត្រូវបានបង្កើតឡើងតាមរយៈការរួមបញ្ចូលគ្នាដោយជោគជ័យរវាងគ្រឹះស្ថានមីក្រូហិរញ្ញវត្ថុប្រាសាក់ ម.ក និង ធនាគារ គូកមីន កម្ពុជា ភីអិលស៊ី។
