មន្ត្រីជំនាញនិយ័តករបរធនបាលកិច្ច ចូលរួមកម្មវិធី “Unlocking Capital for Sustainability” នៅសិង្ហបុរី ដើម្បីក្រេបជញ្ជក់បទពិសោធន៍យន្តការហិរញ្ញវត្ថុថ្មីៗ យកមកអភិវឌ្ឍវិស័យបរធនបាលកិច្ចនៅកម្ពុជា
មន្ត្រីជំនាញនៃនិយ័តករបរធនបាលកិច្ច (ន.ប.ធ.) បានអញ្ជើញចូលរួមក្នុងកម្មវិធីអន្តរជាតិដ៏មានសារៈសំខាន់ស្តីពី “Unlocking Capital for Sustainability” ដែលប្រារព្ធឡើងនៅមជ្ឈមណ្ឌលសន្និបាត និងពិព័រណ៍ Suntec Singapore នាប្រទេសសិង្ហបុរី កាលពីថ្ងៃទី១០ ខែកញ្ញា ឆ្នាំ២០២៦។ សកម្មភាពនេះធ្វើឡើងដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) ដោយក្នុងនោះ កញ្ញា ពេជ្រ ម៉ារីតា អនុប្រធានការិយាល័យសហប្រតិបត្តិការ នៃនាយកដ្ឋានស្រាវជ្រាវ បណ្តុះបណ្តាល និងសហប្រតិបត្តិការ ត្រូវបានចាត់តាំងឱ្យតំណាងស្ថាប័នចូលរួមក្នុងព្រឹត្តិការណ៍នេះ។…