យោងតាមទិន្នន័យរបស់អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ បានបង្ហាញថា រយៈពេល ៤ខែ ពោលចាប់ពីខែមករា ដល់ខែមេសា ឆ្នាំ២០២៥ កម្ពុជាផលិតជ័រកៅស៊ូបានចំនួនជាង ៨២ ០០០តោន ថយចុះជាង ៥តោន ឬស្មើនឹង៥.៩% បើធៀបនឹងរយៈពេលដូចគ្នាក្នុងឆ្នាំ២០២៤។
ទន្ទឹមគ្នា កម្ពុជាក៏បាននាំចេញកៅស៊ូចំនួនជាង ៧៦ ០០០តោន ថយចុះជិត ៩តោន ឬស្មើនឹង១០.៥% បើធៀបនឹងរយៈពេលដូចគ្នាក្នុងឆ្នាំ២០២៤ ដោយទំហំប៉ុណ្ណេះល្មមឲ្យកម្ពុជារកចំណូលបានចំនួន ១៤៨.១៨លានដុល្លារ និងរកចំណូលបានមកពីការលក់ឈើកៅស៊ូបានចំនួន ១.៧៩លានដុល្លារ ស្មើនឹង ៦ ៩២៩ម៉ែត្រគូប។
សូមរំលឹកជូនថា ដោយយោងតាមក្រសួងកសិកម្ម រុក្ខាប្រមាញ់ និងនេសាទ កាលពីឆ្នាំ២០២៤ កម្ពុជាបានននាំចេញផលិតផលជ័រកៅស៊ូ និងឈើកៅស៊ូ ទទួលបាននូវទឹកប្រាក់សរុបចំនួន ៦៧១.៦៨លានដុល្លារ កើនឡើង៣៦.៤៨% បើធៀបនឹងឆ្នាំ២០២៣ ៕
