មន្ត្រីជាន់ខ្ពស់ក្រសួងសេដ្ឋកិច្ច រំពឹងថាសេដ្ឋកិច្ចកម្ពុជានឹងសម្រេចអត្រាកំណើន៦.៣% នៅឆ្នាំនេះ
ឆ្នាំមុនសេដ្ឋកិច្ចរបស់ប្រទេសកម្ពុជាមានកំណើន៦% ខណៈឆ្នាំ២០២៥នេះ កម្ពុជានឹងមានអត្រាកំណើនសេដ្ឋកិច្ចរបស់ខ្លួនបន្ថែមទៀតរហូតដល់៦.៣% ។ នេះបើតាមការលើកឡើងរបស់ឯកឧត្តមបណិ្ឌតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃផ្សារមូលបត្រកម្ពុជា ដោយថ្លែងនៅក្នុងពិធីចុះបញ្ជីលក់សញ្ញាបណ្ណសាជីវកម្មជាផ្លូវការរបស់ធនាគារ អេស៊ីលីដា ភីអិលស៊ី កាលពីថ្ងៃទី២៤ ខែកុម្ភៈ ឆ្នាំ២០២៥ ដែលរៀបចំដោយ ផ្សារមូលបត្រកម្ពុជា (ផ.ម.ក) ។
