មហាសេដ្ឋីស្រុកខ្មែររូបនេះ ប្រាប់គន្លឹះសម្ងាត់ ៤យ៉ាងជួយឲ្យរកលុយបានច្រើន ប្រៀបបានទៅនឹងការត្រងទឹកភ្លៀង

អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប ដែលរកស៊ីលើពហុវិស័យនៅកម្ពុជា មានទ្រព្យសម្បត្តិយ៉ាងច្រើនមហាសាល ក្លាយជាមហាសេដ្ឋីមួយរូប មានកេរ្តិ៍ឈ្មោះ និងត្រូវបានទទួលស្គាល់ថាជាបុគ្គលជោគជ័យមិនថា អាជីវកម្ម ឬជីវិតគ្រួសារ។ តាមការចែករំលែកលើផេកផ្លូវការ អ្នកឧកញ៉ារូបនេះ បានបង្ហើបប្រាប់ពីគន្លឹះសម្ងាត់ចំនួន ៤ចំណុច ដែលអាចជួយបង្កើនទ្រព្យសម្បត្តិ ប្រៀបប្រដូចនឹងការត្រងទឹកភ្លៀង យកមកសន្សំទុកដាក់សម្រាប់ប្រើប្រាស់រាប់ខែរាប់ឆ្នាំអញ្ចឹង។ អ្នកឧកញ៉ាលើកឡើងថា ៖ សូមស្រមៃថា ប្រាក់របស់អ្នកគឺដូចជាតំណក់ភ្លៀង ហើយការងាររបស់អ្នកគឺត្រងតំណក់ភ្លៀងដាក់ធុង។ ប្រសិនបើអ្នកធ្វើឲ្យទឹកភ្លៀងកំពប់ ឬប្រើវាទាំងអស់ក្នុងពេលតែមួយ ធុងទឹកនោះនឹងទទេ។ ប៉ុន្តែប្រសិនបើអ្នកសន្សំដំណក់ទឹកឲ្យបានគ្រប់គ្រាន់ អ្នកអាចបំពេញធុងជាច្រើន…