Cam Bank News

ការចាយវាយ ក្រដាសប្រាក់ដុល្លារនៅលើទីផ្សារកម្ពុជាកាន់តែពិបាកនិងកាន់តែបាត់បង់

ភ្នំពេញ ៖ ក្រដាសប្រាក់ដុល្លារអាមេរិក ចាប់ផ្ដើមបាត់បង់ពីទីផ្សារក្នុងប្រទេសកម្ពុជាបន្តិចម្ដងៗ ដោយសារតែពលរដ្ឋនិងអាជីវកម្មលែងនិយមចាយវាយក្រដាសប្រាក់ដុល្លារបន្តទៀតហើយ ដោយប្រើប្រាស់ការទូទាត់តាម KHQR ជំនួសវិញ ដែលអាចទូទាត់បានទាំងប្រាក់ដុល្លារ និងប្រាក់រៀល ។ ជាការកត់សម្គាល់អាជីវករលើទីផ្សារបានបំពាក់ប្រព័ន្ធទូទាត់ប្រាក់តាមឌីជីថលឬ KHQR កាន់តែច្រើនមិនថាអាជីវកម្មតូច ឬធំ សូម្បីតែអ្នកលក់លៀសហាល អ្នកលក់បន្លែ ទឹកអំពៅនិងអាជីវកម្មតាមចិញ្ចឹមថ្នល់ក៏ប្រើប្រាស់KHQR សម្រាប់ឱ្យអតិថិជនរបស់ខ្លួនទូទាត់ដែរ ។ ដោយឡែកអាជីវករមួយចំនួន បានបដិសេធការចាយវាយក្រដាសប្រាក់ដុល្លារអាមេរិក ។ លោកគ្រុយ សុវណ្ណ បុគ្គលិកផ្នែកទីផ្សារនៃ ក្រុមហ៊ុនមួយនៅភ្នំពេញ បានឱ្យដឹងថា ក្នុងមួយរយៈចុងក្រោយនេះ លោកមិនដែលមានក្រដាសប្រាក់ដុល្លារក្នុងហោប៉ៅឬកាបូបនោះទេ…

សមាគមចំនួន៣ជួបជុំពិភាក្សាដើម្បីរកវិធីជំរុញការអភិវឌ្ឍវិស័យSME

ភ្នំពេញ ៖ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជាបានសហការជាមួយសមាគមសហគ្រិនវ័យក្មេងកម្ពុជា រៀបចំនូវកិច្ចប្រជុំពិភាក្សានិងធ្វើបច្ចុប្បន្នភាពនៃការអនុវត្តកម្មវិធីលទ្ធភាពទទួលបានហិរញ្ញប្បទានសម្រាប់សហគ្រាសធុនតូច និងមធ្យម ដែលកម្មវិធីនេះធ្វើឡើងកាលពី នៅថ្ងៃទី២២ ខែមីនា ឆ្នាំ២០២៤ ។ បើតាមសេចក្ដីប្រកាសព័ត៌មានរបស់សមាគមធនាគារនៅកម្ពុជាបានឱ្យដឹងថា កិច្ចប្រជុំនេះរៀបចំឡើងក្នុងគោលបំណង ប្រមូលធាតុចូលនិងអនុសាសន៍ដើម្បីការអនុវត្តកម្មវិធីឱ្យកាន់តែមានប្រសិទ្ធភាព ក៏ដូចជាស្វែងរកការគាំទ្រពីគ្រប់ភាគីពាក់ព័ន្ធ។ ក្នុងកិច្ចប្រជុំនេះផងដែរ មានការចូលរួមពីប្រធានសមាគមទាំងបី ព្រមទាំងតំណាងគ្រឹះស្ថានហិរញ្ញវត្ថុ សហគ្រាសធុនតូច និងមធ្យមកម្ពុជា ព្រមទាំងក្រុមការងារប្រតិបត្តិរបស់សមាគម។ គួរបញ្ជាក់ថានៅក្នុងកិច្ចប្រជុំនោះដែរ ប្រធានសមាគមទាំងបី និងអ្នកចូលរួម បានសម្តែងការកោតសរសើរចំពោះកិច្ចសហប្រតិបត្តិការដ៏ល្អរវាងសមាគម ក្នុងការកសាងសមត្ថភាពសហគ្រាសធុនតូចនិងមធ្យម ខណៈឥណទានប្រមាណជាង ២លានដុល្លារអាមេរិក ត្រូវបានបញ្ចេញដោយគ្រឹះស្ថានហិរញ្ញវត្ថុជូនដល់សហគ្រាសតាមរយៈកម្មវិធីនេះ៕

វិស័យមីក្រូហិរញ្ញវត្ថុជួយជំរុញកំណើនប្រើប្រាស់ប្រាក់រៀលក្នុងឆ្នាំ២០២៣

ភ្នំពេញ ៖ វិស័យមីក្រូហិរញ្ញវត្ថុកម្ពុជាបានក្លាយជាកម្លាំងចលករដ៏សំខាន់នៅក្នុងសេដ្ឋកិច្ចជាតិ ដោយបានជួយជំរុញឱ្យមានកំណើនដ៏គួរឱ្យចាប់អារម្មណ៍នូវការប្រើប្រាស់ប្រាក់រៀលក្នុងឆ្នាំ២០២៣។ ក្រោមកិច្ចប្រឹងប្រែងដែលដឹកនាំដោយធនាគារជាតិនៃកម្ពុជា សមាជិកនៃសមាគមមីក្រូហិរញ្ញវត្ថុកម្ពុជា បានខិតខំឈ្មុសឈ្មុលធ្វើដំណើរឆ្ពោះទៅរកការបង្កើនការប្រើប្រាស់រូបិយប័ណ្ណក្នុងស្រុក ដោយពង្រឹងតួនាទីនិងភាពធន់របស់ប្រាក់រៀលក្នុងរចនាសម្ព័ន្ធសេដ្ឋកិច្ចកម្ពុជា។ យោងតាមសេចក្ដីប្រកាសព័ត៌មានរបស់សមាគមមីក្រូហិរញ្ញវត្ថុកម្ពុជាបានឱ្យដឹងថា ត្រឹមដំណាច់ឆ្នាំ២០២៣ វិស័យមីក្រូហិរញ្ញវត្ថុសម្រេចបានសមិទ្ធិផលដ៏សំខាន់ ដោយឥណទានជាប្រាក់រៀលបានកើនឡើងដល់ ២៥% នៃផលបត្រឥណទានសរុប ខណៈដែលប្រាក់បញ្ញើជាប្រាក់រៀលបានកើនឡើងដល់ ១៦% នៃប្រាក់បញ្ញើសរុប។ តួលេខនេះកើនលើសកម្រិតកំណត់ដោយបទប្បញ្ញត្តិ ដែលបង្ហាញពីការកើនឡើងទំនុកចិត្តលើរូបិយប័ណ្ណជាតិ។ កិច្ចប្រឹងប្រែងទាំងនេះមិនត្រឹមតែបានជំរុញឱ្យមានទំនុកចិត្តដ៏រឹងមាំលើប្រាក់រៀលប៉ុណ្ណោះទេ ប៉ុន្តែថែមទាំងបង្ហាញពីការប្តេជ្ញាចិត្តរបស់វិស័យចំពោះការលើកកម្ពស់ភាពលេចធ្លោរបស់ប្រាក់រៀលនៅក្នុងប្រព័ន្ធអេកូឡូស៊ីនៃវិស័យហិរញ្ញវត្ថុនៅកម្ពុជាទៀតផង។ សមតុល្យឥណទានជាប្រាក់រៀលបានកើនឡើងដល់ចំនួន ៥,៥៦ពាន់ពាន់លានរៀលខណៈប្រាក់បញ្ញើជាលុយរៀលនៅតាមគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ (MDI)ទាំង៤ បានកើនឡើងដល់ ១,៥២ពាន់ពាន់លានរៀល។ ទិន្នន័យនេះ បានបង្ហាញពីការផ្លាស់ប្តូរគួរឱ្យកត់សម្គាល់នៃទម្លាប់សន្សំរបស់សាធារណជនឆ្ពោះទៅរកការសន្សំជារូបិយប័ណ្ណក្នុងស្រុក ។ សេចក្ដីប្រកាសព័ត៌មានដដែលឱ្យដឹងថា…

ធនាគារវៀតណាមមួយ បើកដំណើរការសាខាថ្មីមួយបន្ថែមទៀតនៅកម្ពុជាសម្រាប់បម្រើអតិថិជនរបស់ខ្លួន

ភ្នំពេញ ៖ ធនាគារ MB ដែលជាធនាគាររបស់ប្រទេសវៀតណាម បានសម្ពោធដាក់ឱ្យដំណើរការសាខាថ្មីរបស់ខ្លួនមួយទីតាំងបន្ថែមទៀត ដែលជាសាខាឆ្លាតវៃសម្រាប់បម្រើសេវាធនាគារជូនអតិថិជន ។ សាខាថ្មីនេះ នៅអាគារលេខ១៥១ មហាវិថីម៉ៅសេទុង ក្នុងសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ ដើម្បីផ្តល់ភាពកាន់តែងាយស្រួលដល់អតិថិជនក្នុងការប្រើប្រាស់សេវាកម្មធនាគារតាមរយៈបច្ចេកវិទ្យាទំនើបចុងក្រោយរបស់ខ្លួន ។ សាខាឆ្លាតវៃក្នុងសង្កាត់បឹងកេងកងទី៣ ត្រូវបានរចនាឡើងយ៉ាងពិសេសសម្រាប់អតិថិជនក្នុងការប្រើប្រាស់សេវាកម្មធនាគារ អោយកាន់តែប្រសើរថែមមួយកម្រិតទៀតតាមរយៈបច្ចេកវិទ្យាទំនើបចុងក្រោយ។ សាខាថ្មីនេះ បានបំពាក់ទៅដោយម៉ាស៊ីនដកប្រាក់-ដាក់ប្រាក់ ម៉ាស៊ីនអេធីអ៊ឹម រួមនឹងសេវាកម្មផ្សេងៗទៀតដែលអតិថិជនអាចធ្វើប្រតិបត្តិការបានគ្រប់ពេលវេលាតាមតម្រូវការ។ ដើម្បីអបអរសាទរការសម្ពោធសាខាថ្មីនេះផងដែរ ធនាគារ អ៊ឹមប៊ី ខេមបូឌា ក៏មានការផ្តល់ជូននូវកម្មវិធីប្រូម៉ូសិនពិសេសៗជាច្រើនជូនដល់អតិថិជនដូចជាៈ ១. ទទួលបានការដូអនុស្សាវរីយ៍និងលេខគណនីពិសេសដែលមានតម្លៃ…

សារមន្ទីរ ស.ស.រនិងសមាគមធនាគារនៅកម្ពុជាចុះអនុស្សរណៈនៃការយោគយល់គ្នា

ភ្នំពេញ ៖ ជាជំហានឆ្ពោះទៅមុខដ៏ចម្បងមួយសម្រាប់ការអប់រំផ្នែកហិរញ្ញវត្ថុនៅកម្ពុជា សារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន នៃធនាគារជាតិនៃកម្ពុជាហៅកាត់ថា ស.ស.រ និងសមាគមធនាគារនៅកម្ពុជា (ABC) បានរួមគ្នានៅក្នុងកិច្ចសហការប្រកបដោយអត្ថន័យ ។ យោងតាមសេចក្ដីប្រកាសព័ត៌មានរបស់សមាគមធនាគារនៅកម្ពុជាបានឱ្យដឹងថា អនុស្សរណៈនៃការយោគយល់គ្នា ត្រូវបានចុះហត្ថលេខាជាផ្លូវការនៅថ្ងៃនេះ នៅសារមន្ទីរ ស.ស.រ ក្រោមវត្តមានដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា ដោយបង្ហាញពីសករាជថ្មីនៃកិច្ចសហប្រតិបត្តិការ ក្នុងគោលបំណងផ្តល់អត្ថប្រយោជន៍ដល់សិស្សានុសិស្សនៅតាមគ្រឹះស្ថានអប់រំរដ្ឋ។ គំនិតផ្តួចផ្តើមត្រួសត្រាយផ្លូវនេះ នាំទៅរកការលើកកម្ពស់លើការឈ្វេងយល់ផ្នែកប្រវត្តិសេដ្ឋកិច្ច និងរូបិយវត្ថុនៃប្រទេសកម្ពុជា និងបទពិសោធន៍ផ្នែកអប់រំរបស់យុវជនខ្មែរ តាមរយៈការរួមបញ្ចូលការបង្ហាញវប្បធម៌ជាមួយនឹងចំណេះដឹងជាក់ស្តែង។ អនុស្សរណៈនៃការយោគយល់គ្នានេះ គូសបញ្ជាក់ពីការប្តេជ្ញាចិត្តរបស់វិស័យធនាគារកម្ពុជាចំពោះទំនួលខុសត្រូវសាជីវកម្ម…

លោកជំទាវ ជា សិរី ៖ អត្រាការប្រើប្រាស់ប្រាក់រៀលតាមប្រព័ន្ធអេឡិចត្រូនិកក្នុងឆ្នាំ ២០២៣ កើនឡើងខ្ពស់

ភ្នំពេញ ៖ ការប្រើប្រាស់ប្រាក់រៀលតាមប្រព័ន្ធអេឡិចត្រូនិក បានកើនឡើងក្នុងអត្រាមួយខ្ពស់ ដោយក្នុងឆ្នាំ ២០២៣ ប្រតិបត្តិការទូទាត់បានកើនឡើង ៤៤ ភាគរយ ធៀបនឹងឆ្នាំ ២០២២ និងខ្ពស់ជាងកំណើននៃប្រតិបត្តិការទូទាត់អេឡិចត្រូនិកជាប្រាក់ដុល្លារអាមេរិក ដែលកើនក្នុងអត្រា ៣,១ ភាគរយ ។ នេះបើតាមការអះអាងរបស់លោក ជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា ដែលបានថ្លែងក្នុងសិក្ខាសាលាស្តីពី «ខួបលើកទី ៤៤ នៃការដាក់ឱ្យចរាចរប្រាក់រៀលឡើងវិញ ក្រោមប្រធានបទ៖ ដំណើរឆ្ពោះទៅមុខនៃប្រាក់រៀល និងប្រព័ន្ធបាគង» នៅថ្ងៃទី ២០…

ធនាគារជាតិនៃកម្ពុជានឹងរៀបចំយុទ្ធនាការស្រលាញ់ប្រាក់រៀល ដោយអនុញ្ញាតឱ្យសាធារណជនយកក្រដាសប្រាក់ដែលទក់ឬរហែកមកប្តូរយកថ្មីវិញ

ភ្នំពេញ ៖ ចាត់ទុកជាដំណឹងល្អមួយសម្រាប់ប្រជាពលរដ្ឋដែលមានក្រដាសប្រាក់ចាស់ ទក់ ឬរហែកក្នុងការប្តូរយកក្រដាសប្រាក់រៀលថ្មីទៅប្រើប្រាស់លើទីផ្សារវិញ ដោយធនាគារជាតិនៃកម្ពុជា នឹងចាប់ផ្ដើមធ្វើយុទ្ធនាការ ស្រលាញ់ប្រាក់រៀល ពីថ្ងៃទី ២០ ដល់ថ្ងៃទី ២៩ខែមីនា ឆ្នាំ ២០២៤ ។ យោងតាមសេចក្ដីជូនដំណឹងរបស់ធនាគារជាតិនៃកម្ពុជា ស្ដីពីយុទ្ធនាការស្រលាញ់ប្រាក់រៀល នៅថ្ងៃទី១៩ មីនា ២០២៤ បានប្រកាសឱ្យសាធារណជនដែលមានក្រដាសប្រាក់រៀលចាស់ ទក់ ឬរហែក ទៅប្តូរនូវក្រដាសប្រាក់ថ្មីគ្រប់ប្រភេទចាប់ពីថ្ងៃទី ២០ដល់ថ្ងៃទី២៩ ខែមីនា ២០២៤ វេលាម៉ោង៧ និង៣០នាទី ដល់ម៉ោង៣រសៀល…

ធនាគារABA សហការជាមួយ អាកាសយានដ្ឋានកម្ពុជា ណែនាំសេវាទូទាត់ថ្លៃចំណតបែបឌីជីថល

ភ្នំពេញ ៖ ABA ដែលជាធនាគារផ្ដល់សេវាហិរញ្ញវត្ថុឌីជីថលឈានមុខគេរបស់កម្ពុជា មានមោទនភាពសូមប្រកាសអំពី កិច្ចសហការជាយុទ្ធសាស្ដ្ររបស់ខ្លួនជាមួយ ក្រុមហ៊ុនអាកាសយានដ្ឋានកម្ពុជា (Cambodia Airports) ដើម្បីកែប្រែ និងសម្រួលដល់ការទូទាត់ថ្លៃចំណតបែបឌីជីថល សំដៅផ្តល់ភាពងាយស្រួលដល់អតិថិជន ដែលធ្វើដំណើរនៅអាកាសយានដ្ឋានអន្តរជាតិភ្នំពេញ។ ក្នុងទិសដៅរួមគ្នានេះ ធនាគារ ABA និងក្រុមហ៊ុនអាកាសយានដ្ឋានកម្ពុជា ពង្រឹងការប្ដេជ្ញាចិត្តរបស់ខ្លួន ក្នុងការជំរុញសេវាទូទាត់ថ្លៃចំណតបែបឌីជីថល តាមរយៈការចុះអនុស្សរណៈយោគយល់គ្នា។ ពិធីចុះហត្ថលេខាជាផ្លូវការ បានប្រព្រឹត្តទៅនៅថ្ងៃទី 13 មីនា 2024 ក្រោមវត្តមានរបស់នាយកប្រតិបត្តិរបស់ ធនាគារ ABA និងក្រុមហ៊ុនអាកាសយានដ្ឋានកម្ពុជា ព្រមទាំងភ្ញៀវកិត្តិយសជាច្រើនរូបទៀត។ …

ធនាគារពិភពលោក ផ្ដល់កម្ចីចំនួន៣៥លានដុល្លារអាមេរិកបន្ថែមដល់កម្ពុជាសម្រាប់អភិវឌ្ឍន៍ផ្លូវតាមជនបទក្នុងខេត្តចំនួន៣

ភ្នំពេញ ៖ យោងតាមសេចក្ដីប្រកាសព័ត៌មានរបស់ធនាគារពិភពលោក ចេញផ្សាយថ្ងៃទី១៥ មីនា ២០២៤កន្លងទៅនេះ បានឱ្យដឹងថា ផ្លូវជនបទជាច្រើនខ្សែនៅក្នុងខេត្តចំនួនបី ក្នុងប្រទេសកម្ពុជា ត្រូវបានរពឹងថានឹងមានភាពរឹងមាំកាន់តែប្រសើរ ដើម្បិទប់ទល់នឹងឥទ្ធិពលនៃអាកាសធាតុនិងសម្រាប់ពលរដ្ឋប្រើប្រាស់នៅគ្រប់កាលៈទេសៈនៃអាកាសធាតុ ដើម្បីទទួលបានសេវាថែទាំសុខភាពនិងទីផ្សារសំខាន់ៗ ក្រោយពីគណៈនាយកប្រតិបត្តិនៃធនាគារពិភពលោកអនុម័តឥណទានចំនួន ៣៥លានដុល្លារបន្ថែម ។ បើតាមសមាគមអភិវឌ្ឍន៍អន្តរជាតិរបស់ធនាគារពិភពលោក បានឱ្យដឹងថា ការផ្ដល់ឥណទានបន្ថែមនេះ គឺសម្រាប់ គម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ ក្នុងគោលដោបង្កើនភាពធន់របស់ផ្លូវ សម្រាប់ពលរដ្ឋប្រើប្រាស់ក្នុងការចូលទៅរកទីផ្សារ ទៅសាលារៀន និងទៅរកសេវាសុខាភិបាលនៅខេត្ត ក្រចេះ កំពង់ចាម និងខេត្តត្បូងឃ្មុំ ។ ខេត្តទាំងនេះមានប្រជាជនសរុបជាង២លាននាក់ ដែលក្នុងនោះ…

ធនាគារ វីងចុះកិច្ចព្រមព្រៀងផ្ដល់ឥណទាន១លានដុល្លារដល់មីក្រូហិរញ្ញវត្ថុខេមា សម្រាប់លើកកម្ពស់សុខុមាលភាពសហគមន៍

ភ្នំពេញ ៖ ធនាគារ វីង បានចុះកិច្ចព្រមព្រៀងលើការផ្តល់ឥណទាន ១លានដុល្លារ ទៅដល់គ្រឹះស្ថានមីក្រូហិរញ្ញវត្ថុ ខេមា លើការអនុវត្តគម្រោងទឹកស្អាត និងអនាម័យ ។ យោងតាមសេចក្ដីប្រកាសព័ត៌មានរបស់ធនាគារវីង បានឱ្យដឹងថា ក្រោមកិច្ចព្រមព្រៀងហិរញ្ញប្បទានដែលមានទឹកប្រាក់ ១លានដុល្លារអាមេរិក ធនាគារ វីង បង្ហាញការគាំទ្រចំពោះការអនុវត្តគម្រោងទឹកស្អាត និងអនាម័យ ដែលជាការយកចិត្តទុកដាក់ជំរុញនូវការប្រើប្រាស់ទឹកស្អាត និងអនាម័យ ក៏ដូចជារួមចំណែកជាមួយនឹងកិច្ចខិតខំប្រឹងប្រែងរបស់រាជរដ្ឋាភិបាលក្នុងយុទ្ធនាការលើកកម្ពស់សុខុមាលភាពពលរដ្ឋនៅតាមសហគមន៍ ។ តាមរយៈគម្រោងទឹកស្អាត និងអនាម័យ ហិរញ្ញប្បនទានពីធនាគារ វីង នឹងត្រូវយកទៅប្រើប្រាស់ ដើម្បីជួយទៅដល់សហគមន៍ ក្នុងការជួសជុលឬសង់បង្គន់,…