ថ្ងៃច័ន្ទ ១៦ វិច្ឆិកា ២០២៦
ព័ត៌មានថ្មី
ថ្នាក់ដឹកនាំជាង ៣០ រូប មកពីធនាគារ BRIDGE ចូលរួមវគ្គបណ្តុះបណ្តាលពិសេសស្តីពីបញ្ញាសិប្បនិម្មិត (AI) ដើម្បីឈានទៅរកសេវាកម្មហិរញ្ញវត្ថុកាន់តែទំនើប និងមានសុវត្ថិភាពខ្ពស់ ធនាគារ ខេប៊ីប្រាសាក់ ចូលរួមអបអរសាទរពិធីសម្ពោធសៀវភៅដ៏មានតម្លៃ ស្តីពី «បរិយាបន្នហិរញ្ញវត្ថុ ការអភិវឌ្ឍវិស័យហិរញ្ញវត្ថុ និងកំណើននៅកម្ពុជា និងតំបន់អាស៊ាន» បុរសជនជាតិចិនម្នាក់ចូលនិវត្តន៍ទាំងវ័យក្មេង ក្រោយកាន់កាប់ផ្ទះល្វែងសរុប ១៤ ខ្នង រកចំណូលជាង ៣ម៉ឺនដុល្លារក្នុងមួយឆ្នាំៗ ប្រវត្តិសាស្ត្រ! ធនាគារ និងគ្រឹះស្ថានហិរញ្ញវត្ថុធំៗជាច្រើន សម្រុកចូលរួមបង្ហាញសក្ដានុពលក្នុងព្រឹត្តិការណ៍អមកិច្ចប្រជុំកំពូលហ្វ្រង់កូហ្វូនី លើកទី២០ ៣៥ ឆ្នាំនៃទំនុកចិត្ត និងឧត្តមភាព៖ ធនាគារ កាណាឌីយ៉ា អ្នកឧកញ៉ាបណ្ឌិត ពុង ឃាវសែ ឈរជើងជាមួយគ្រឹះដ៏រឹងមាំ ដើម្បីការរីកចម្រើនរួមគ្នាជាមួយអតិថិជន សម្ព័ន្ធធនាគារ អេស៊ីលីដា បន្តរក្សាកំណើនយ៉ាងរឹងមាំ ដោយសម្រេចបានប្រាក់ចំណេញកើនឡើងជិត ១៤% ក្នុងត្រីមាសទី៣ ឆ្នាំ២០២៦
ធនាគារ

ធនាគារ វីង អ្នកឧកញ៉ា គិត ម៉េង ជម្រុញកម្ចី ៣លានដុល្លារ មិនបាច់មានទ្រព្យធានា ដើម្បីបដិវត្តន៍កសិកម្មធន់នឹងអាកាសធាតុនៅកម្ពុជា

វិស័យធនាគារនៅកម្ពុជា កំពុងក្លាយជាកម្លាំងចលករដ៏សំខាន់ក្នុងការជំរុញហិរញ្ញប្បទានបៃតង ដើម្បីពង្រឹងភាពធន់នឹងការប្រែប្រួលអាកាសធាតុ។ ឆ្លើយតបនឹងបេសកកម្មនេះ ធនាគារ វីង ក្រោមកិច្ចសហការជាមួយក្រសួងកសិកម្ម រុក្ខាប្រមាញ់ និងនេសាទ ព្រមទាំងទទួលបានការគាំទ្រពីមូលនិធិបរិស្ថានសកល តាមរយៈមូលនិធិអន្តរជាតិសម្រាប់ការអភិវឌ្ឍកសិកម្ម (IFAD) បានដាក់ឱ្យដំណើរការនូវគំនិតផ្តួចផ្តើមហិរញ្ញប្បទានដ៏ធំមួយ ដើម្បីជំរុញការប្រើប្រាស់បច្ចេកវិទ្យាធន់នឹងអាកាសធាតុ នៅក្នុងខ្សែច្រវាក់តម្លៃកសិកម្មកម្ពុជា។

ដើម្បីគាំទ្រដល់គម្រោងនេះ ធនាគារ វីង បានទម្លាក់កញ្ចប់ឥណទានសរុបចំនួន ៣ លានដុល្លារអាមេរិក ដោយផ្តល់ជូននូវឥណទានខ្ពស់រហូតដល់ ២០០,០០០ ដុល្លារអាមេរិក ក្នុងមួយចំណែក ដោយមិនត្រូវការទ្រព្យធានា និងមិនមានគិតថ្លៃសេវាអនុម័តប្រាក់កម្ចីឡើយ។ ឥណទាននេះមានអត្រាការប្រាក់ប្រកួតប្រជែងបំផុត ជាមួយរយៈពេលសងត្រឡប់បត់បែនរហូតដល់ ៣៦ ខែ ជូនដល់កសិករ សហគមន៍កសិកម្ម និងអាជីវកម្មកសិកម្មនានា។

លោក សោម ធីសែន នាយកគ្រប់គ្រងសេវាធនាគារសាធារណៈនៃធនាគារ វីង បានលើកឡើងថា ហិរញ្ញប្បទានបៃតងនេះ នឹងជួយលើកកម្ពស់ជីវភាពកសិករ ពង្រឹងសន្តិសុខស្បៀង និងរួមចំណែកកសាងសេដ្ឋកិច្ចជាតិឱ្យកាន់តែមានភាពរឹងមាំ។

បច្ចុប្បន្ន គម្រោងនេះកំពុងអនុវត្តយ៉ាងសកម្មនៅក្នុងខេត្តគោលដៅចំនួន ៥ រួមមាន ខេត្តព្រៃវែង តាកែវ កំពង់ធំ កំពង់ឆ្នាំង និងបាត់ដំបង។ កាលពីខែមីនា ឆ្នាំ២០២៦ កន្លងទៅ ធនាគារ វីង ក៏បានរៀបចំសិក្ខាសាលានៅទូទាំងខេត្តទាំងនេះ ដើម្បីណែនាំពីរបៀបស្នើសុំឥណទាន និងបណ្តុះបណ្តាលបច្ចេកទេសកសិកម្មឆ្លាតវៃផងដែរ។

ថវិកាពីហិរញ្ញប្បទាននេះ នឹងជួយកសិករវិនិយោគលើបច្ចេកវិទ្យាធន់នឹងអាកាសធាតុ ដូចជាប្រព័ន្ធស្រោចស្រពឆ្លាតវៃ ថាមពលកកើតឡើងវិញ និងប្រព័ន្ធគ្រប់គ្រងក្រោយប្រមូលផល ដើម្បីកាត់បន្ថយការចំណាយ និងបង្កើនផលិតភាពប្រកបដោយនិរន្តរភាព។