ថ្ងៃច័ន្ទ ១៦ វិច្ឆិកា ២០២៦
ព័ត៌មានថ្មី
ថ្នាក់ដឹកនាំជាង ៣០ រូប មកពីធនាគារ BRIDGE ចូលរួមវគ្គបណ្តុះបណ្តាលពិសេសស្តីពីបញ្ញាសិប្បនិម្មិត (AI) ដើម្បីឈានទៅរកសេវាកម្មហិរញ្ញវត្ថុកាន់តែទំនើប និងមានសុវត្ថិភាពខ្ពស់ ធនាគារ ខេប៊ីប្រាសាក់ ចូលរួមអបអរសាទរពិធីសម្ពោធសៀវភៅដ៏មានតម្លៃ ស្តីពី «បរិយាបន្នហិរញ្ញវត្ថុ ការអភិវឌ្ឍវិស័យហិរញ្ញវត្ថុ និងកំណើននៅកម្ពុជា និងតំបន់អាស៊ាន» បុរសជនជាតិចិនម្នាក់ចូលនិវត្តន៍ទាំងវ័យក្មេង ក្រោយកាន់កាប់ផ្ទះល្វែងសរុប ១៤ ខ្នង រកចំណូលជាង ៣ម៉ឺនដុល្លារក្នុងមួយឆ្នាំៗ ប្រវត្តិសាស្ត្រ! ធនាគារ និងគ្រឹះស្ថានហិរញ្ញវត្ថុធំៗជាច្រើន សម្រុកចូលរួមបង្ហាញសក្ដានុពលក្នុងព្រឹត្តិការណ៍អមកិច្ចប្រជុំកំពូលហ្វ្រង់កូហ្វូនី លើកទី២០ ៣៥ ឆ្នាំនៃទំនុកចិត្ត និងឧត្តមភាព៖ ធនាគារ កាណាឌីយ៉ា អ្នកឧកញ៉ាបណ្ឌិត ពុង ឃាវសែ ឈរជើងជាមួយគ្រឹះដ៏រឹងមាំ ដើម្បីការរីកចម្រើនរួមគ្នាជាមួយអតិថិជន សម្ព័ន្ធធនាគារ អេស៊ីលីដា បន្តរក្សាកំណើនយ៉ាងរឹងមាំ ដោយសម្រេចបានប្រាក់ចំណេញកើនឡើងជិត ១៤% ក្នុងត្រីមាសទី៣ ឆ្នាំ២០២៦
ធនាគារ

លោកជំទាវបណ្ឌិត ជា សិរី ដឹកនាំគណៈប្រតិភូធនាគារជាតិនៃកម្ពុជា ចូលរួមបេសកកម្មសកល AFI ដើម្បីអនាគតបរិយាបន្នហិរញ្ញវត្ថុ

លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានដឹកនាំគណៈប្រតិភូជាន់ខ្ពស់ចូលរួមកិច្ចប្រជុំប្រចាំឆ្នាំ និងកិច្ចប្រជុំពាក់ព័ន្ធរបស់សហព័ន្ធបរិយាបន្នហិរញ្ញវត្ថុ (Alliance for Financial Inclusion – AFI) នៅទីក្រុងព័រម៉ូរេសប៊ី ប្រទេសប៉ាពូអាស៊ីនូវែលហ្គីណេ។

ព្រឹត្តិការណ៍កម្រិតសកលនេះ ត្រូវបានរៀបចំឡើងក្រោមមូលបទយ៉ាងមានអត្ថន័យគឺ «ភាពធន់នៃសេដ្ឋកិច្ច និងអនាគតនៃបរិយាបន្នហិរញ្ញវត្ថុ»។ នេះជាវេទិកាដ៏មានសារៈសំខាន់ដែលរៀបចំឡើងជារៀងរាល់ឆ្នាំ ក្នុងគោលបំណងបើកឱកាសឱ្យបណ្តាប្រទេសនានាជុំវិញពិភពលោក ធ្វើការចែករំលែកចំណេះដឹង ទស្សនាទានថ្មីៗ និងផ្លាស់ប្តូរបទពិសោធល្អៗ ទាក់ទងនឹងការជំរុញបរិយាបន្នហិរញ្ញវត្ថុឱ្យកាន់តែមានប្រសិទ្ធភាព។ 

អ្វីដែលជាការកត់សម្គាល់ វេទិកាគោលនយោបាយសកល AFI ឆ្នាំ២០២៦ (2026 AFI Global Policy Forum) នេះ បានទាក់ទាញអ្នកចូលរួមយ៉ាងច្រើនកុះករសរុបជាង ៨០០រូប។ ក្នុងនោះរួមមាន ថ្នាក់ដឹកនាំកំពូលៗនៃធនាគារកណ្តាល អាជ្ញាធរត្រួតពិនិត្យ អាជ្ញាធរបរិយាបន្នហិរញ្ញវត្ថុ ដៃគូអភិវឌ្ឍន៍ ក៏ដូចជាតំណាងមកពីវិស័យឯកជន ដែលអញ្ជើញមកពី ៩០ស្ថាប័ន នៃប្រទេសចំនួន ៧៤ មកពីគ្រប់ទ្វីបទាំងអស់នៅលើសកលលោក។ 

វត្តមានរបស់គណៈប្រតិភូធនាគារជាតិនៃកម្ពុជា មិនត្រឹមតែបង្ហាញពីការប្តេជ្ញាចិត្តរបស់កម្ពុជាក្នុងការអភិវឌ្ឍប្រព័ន្ធហិរញ្ញវត្ថុប្រកបដោយបរិយាបន្នប៉ុណ្ណោះទេ ប៉ុន្តែថែមទាំងជាឱកាសក្នុងការលើកកម្ពស់មុខមាត់ និងតួនាទីរបស់កម្ពុជានៅលើឆាកអន្តរជាតិ ក្នុងការចូលរួមចំណែកស្តារ និងពង្រឹងភាពធន់នៃសេដ្ឋកិច្ចសកលផងដែរ។

គួររំលេចថា AFI គឺជាស្ថាប័នពិភពលោកឈានមុខក្នុងការរៀបចំគោលនយោបាយ និងបទប្បញ្ញត្តិពាក់ព័ន្ធនឹងបរិយាបន្នហិរញ្ញវត្ថុ ដែលត្រូវបានដឹកនាំដោយបណ្តាធនាគារកណ្តាល និងស្ថាប័នត្រួតពិនិត្យហិរញ្ញវត្ថុដែលជាសមាជិក។