ថ្ងៃច័ន្ទ ១៦ វិច្ឆិកា ២០២៦
ព័ត៌មានថ្មី
ថ្នាក់ដឹកនាំជាង ៣០ រូប មកពីធនាគារ BRIDGE ចូលរួមវគ្គបណ្តុះបណ្តាលពិសេសស្តីពីបញ្ញាសិប្បនិម្មិត (AI) ដើម្បីឈានទៅរកសេវាកម្មហិរញ្ញវត្ថុកាន់តែទំនើប និងមានសុវត្ថិភាពខ្ពស់ ធនាគារ ខេប៊ីប្រាសាក់ ចូលរួមអបអរសាទរពិធីសម្ពោធសៀវភៅដ៏មានតម្លៃ ស្តីពី «បរិយាបន្នហិរញ្ញវត្ថុ ការអភិវឌ្ឍវិស័យហិរញ្ញវត្ថុ និងកំណើននៅកម្ពុជា និងតំបន់អាស៊ាន» បុរសជនជាតិចិនម្នាក់ចូលនិវត្តន៍ទាំងវ័យក្មេង ក្រោយកាន់កាប់ផ្ទះល្វែងសរុប ១៤ ខ្នង រកចំណូលជាង ៣ម៉ឺនដុល្លារក្នុងមួយឆ្នាំៗ ប្រវត្តិសាស្ត្រ! ធនាគារ និងគ្រឹះស្ថានហិរញ្ញវត្ថុធំៗជាច្រើន សម្រុកចូលរួមបង្ហាញសក្ដានុពលក្នុងព្រឹត្តិការណ៍អមកិច្ចប្រជុំកំពូលហ្វ្រង់កូហ្វូនី លើកទី២០ ៣៥ ឆ្នាំនៃទំនុកចិត្ត និងឧត្តមភាព៖ ធនាគារ កាណាឌីយ៉ា អ្នកឧកញ៉ាបណ្ឌិត ពុង ឃាវសែ ឈរជើងជាមួយគ្រឹះដ៏រឹងមាំ ដើម្បីការរីកចម្រើនរួមគ្នាជាមួយអតិថិជន សម្ព័ន្ធធនាគារ អេស៊ីលីដា បន្តរក្សាកំណើនយ៉ាងរឹងមាំ ដោយសម្រេចបានប្រាក់ចំណេញកើនឡើងជិត ១៤% ក្នុងត្រីមាសទី៣ ឆ្នាំ២០២៦
ធនាគារ

ធនាគារ វីង បន្តឈានមុខគេក្នុងការច្នៃប្រឌិតបច្ចេកវិទ្យាហិរញ្ញវត្ថុឌីជីថល ដើម្បីអតិថិជន

ស្របពេលដែលវិស័យហិរញ្ញវត្ថុឌីជីថលសកលកំពុងវិវឌ្ឍយ៉ាងឆាប់រហ័ស ការធានាសុវត្ថិភាពលើការទូទាត់ឆ្លងដែន និងការពង្រឹងហេដ្ឋារចនាសម្ព័ន្ធហិរញ្ញវត្ថុសម្រាប់អនាគត គឺជាកត្តាចាំបាច់បំផុតក្នុងការជំរុញកំណើនសេដ្ឋកិច្ចប្រកបដោយបរិយាបន្ន។

ថ្មីៗនេះ លោក Arunava Dasgupta នាយកគ្រប់គ្រងផ្នែកសេវាកម្មអតិថិជន នៃធនាគារ វីង បានអញ្ជើញចូលរួមជាវាគ្មិនកិត្តិយសក្នុងកម្មវិធី Global Fintech Fest 2026 នៅទីក្រុងបុមបៃ ប្រទេសឥណ្ឌា ក្នុងកិច្ចពិភាក្សាក្រោមប្រធានបទ៖ “ការធានាសុវត្ថិភាពការទូទាត់សកល៖ ការត្រៀមខ្លួនសម្រាប់យុគសម័យច្ចេកវិទ្យាកង់ទិច” ដោយលោកបានចូលរួមចែករំលែកទស្សនៈវិស័យជាមួយអ្នកជំនាញហិរញ្ញវត្ថុអន្តរជាតិ អំពីឱកាស និងហានិភ័យនៃបច្ចេកវិទ្យាកុំព្យូទ័រកង់ទិច ការការពារប្រព័ន្ធសុវត្ថិភាពទិន្នន័យហិរញ្ញវត្ថុ និងជំហាននានាដែលទីផ្សារកំពុងអភិវឌ្ឍគួរអនុវត្ត ដើម្បីពង្រឹងប្រព័ន្ធទូទាត់របស់ខ្លួននាពេលអនាគត។

ព្រឹត្តិការណ៍នេះ ក៏ជាវេទិកាដ៏សំខាន់មួយសម្រាប់ធនាគារ វីង ក្នុងការចែករំលែកពីដំណើរនៃបរិយាបន្នហិរញ្ញវត្ថុនៅកម្ពុជា និងស្វែងរកឱកាសសហការនានាជាមួយស្ថាប័ន FinTech ជុំវិញពិភពលោកផងដែរ។

ធនាគារ វីង ក៏បានប្តេជ្ញាបន្តឈានមុខគេក្នុងការច្នៃប្រឌិតបច្ចេកវិទ្យាថ្មីៗ ដើម្បីធានាថាដំណោះស្រាយហិរញ្ញវត្ថុឌីជីថលរបស់យើងនៅតែមានសុវត្ថិភាពខ្ពស់ ភាពធន់ និងត្រៀមខ្លួនរួចជាស្រេច ក្នុងការបម្រើតម្រូវការរបស់អតិថិជនយើងជានិច្ច។