ថ្ងៃច័ន្ទ ១៦ វិច្ឆិកា ២០២៦
ព័ត៌មានថ្មី
ថ្នាក់ដឹកនាំជាង ៣០ រូប មកពីធនាគារ BRIDGE ចូលរួមវគ្គបណ្តុះបណ្តាលពិសេសស្តីពីបញ្ញាសិប្បនិម្មិត (AI) ដើម្បីឈានទៅរកសេវាកម្មហិរញ្ញវត្ថុកាន់តែទំនើប និងមានសុវត្ថិភាពខ្ពស់ ធនាគារ ខេប៊ីប្រាសាក់ ចូលរួមអបអរសាទរពិធីសម្ពោធសៀវភៅដ៏មានតម្លៃ ស្តីពី «បរិយាបន្នហិរញ្ញវត្ថុ ការអភិវឌ្ឍវិស័យហិរញ្ញវត្ថុ និងកំណើននៅកម្ពុជា និងតំបន់អាស៊ាន» បុរសជនជាតិចិនម្នាក់ចូលនិវត្តន៍ទាំងវ័យក្មេង ក្រោយកាន់កាប់ផ្ទះល្វែងសរុប ១៤ ខ្នង រកចំណូលជាង ៣ម៉ឺនដុល្លារក្នុងមួយឆ្នាំៗ ប្រវត្តិសាស្ត្រ! ធនាគារ និងគ្រឹះស្ថានហិរញ្ញវត្ថុធំៗជាច្រើន សម្រុកចូលរួមបង្ហាញសក្ដានុពលក្នុងព្រឹត្តិការណ៍អមកិច្ចប្រជុំកំពូលហ្វ្រង់កូហ្វូនី លើកទី២០ ៣៥ ឆ្នាំនៃទំនុកចិត្ត និងឧត្តមភាព៖ ធនាគារ កាណាឌីយ៉ា អ្នកឧកញ៉ាបណ្ឌិត ពុង ឃាវសែ ឈរជើងជាមួយគ្រឹះដ៏រឹងមាំ ដើម្បីការរីកចម្រើនរួមគ្នាជាមួយអតិថិជន សម្ព័ន្ធធនាគារ អេស៊ីលីដា បន្តរក្សាកំណើនយ៉ាងរឹងមាំ ដោយសម្រេចបានប្រាក់ចំណេញកើនឡើងជិត ១៤% ក្នុងត្រីមាសទី៣ ឆ្នាំ២០២៦
សេដ្ឋកិច្ច

មន្ត្រីជំនាញនិយ័តករបរធនបាលកិច្ច ចូលរួមកម្មវិធី “Unlocking Capital for Sustainability” នៅសិង្ហបុរី ដើម្បីក្រេបជញ្ជក់បទពិសោធន៍យន្តការហិរញ្ញវត្ថុថ្មីៗ យកមកអភិវឌ្ឍវិស័យបរធនបាលកិច្ចនៅកម្ពុជា

មន្ត្រីជំនាញនៃនិយ័តករបរធនបាលកិច្ច (ន.ប.ធ.) បានអញ្ជើញចូលរួមក្នុងកម្មវិធីអន្តរជាតិដ៏មានសារៈសំខាន់ស្តីពី “Unlocking Capital for Sustainability” ដែលប្រារព្ធឡើងនៅមជ្ឈមណ្ឌលសន្និបាត និងពិព័រណ៍ Suntec Singapore នាប្រទេសសិង្ហបុរី កាលពីថ្ងៃទី១០ ខែកញ្ញា ឆ្នាំ២០២៦។

សកម្មភាពនេះធ្វើឡើងដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) ដោយក្នុងនោះ កញ្ញា ពេជ្រ ម៉ារីតា អនុប្រធានការិយាល័យសហប្រតិបត្តិការ នៃនាយកដ្ឋានស្រាវជ្រាវ បណ្តុះបណ្តាល និងសហប្រតិបត្តិការ ត្រូវបានចាត់តាំងឱ្យតំណាងស្ថាប័នចូលរួមក្នុងព្រឹត្តិការណ៍នេះ។

កម្មវិធីនេះ ត្រូវបានរៀបចំឡើងក្នុងគោលបំណង ដើម្បីបង្កើនការយល់ដឹងអំពីវិធីសាស្ត្រក្នុងការប្រមូលផ្តុំ និងប្រើប្រាស់ទុនឱ្យមានប្រសិទ្ធភាព ដើម្បីគាំទ្រដល់ការអភិវឌ្ឍប្រកបដោយចីរភាព។ ជាពិសេស កម្មវិធីបានផ្តោតលើការសិក្សាអំពីតួនាទីរបស់វិស័យហិរញ្ញវត្ថុ និងវិនិយោគិនក្នុងការផ្តល់ហិរញ្ញប្បទានដល់គម្រោងដែលជួយដោះស្រាយបញ្ហាបម្រែបម្រួលអាកាសធាតុ ការការពារធនធានធម្មជាតិ និងជីវចម្រុះ ព្រមទាំងការអភិវឌ្ឍបច្ចេកវិទ្យា និងអាជីវកម្មប្រកបដោយចីរភាព។

បន្ថែមពីនេះ កម្មវិធីក៏បានផ្តល់ឱកាសដល់អ្នកចូលរួមក្នុងការសិក្សាអំពីយន្តការហិរញ្ញវត្ថុថ្មីៗដូចជា ហិរញ្ញប្បទានចម្រុះ (Blended Finance) និងវិធីសាស្ត្រកាត់បន្ថយហានិភ័យ ដើម្បីជំរុញឱ្យមានការវិនិយោគពីវិស័យឯកជនកាន់តែច្រើនទៅក្នុងគម្រោងប្រកបដោយចីរភាព។ តាមរយៈការចូលរួមនេះ មន្ត្រីជំនាញនៃ ន.ប.ធ. ទទួលបានចំណេះដឹង និងបទពិសោធន៍ថ្មីៗអំពីការអភិវឌ្ឍវិស័យហិរញ្ញវត្ថុ និងការវិនិយោគក្នុងតំបន់ ដែលអាចជាធាតុចូលដ៏មានតម្លៃសម្រាប់ការសិក្សា និងការអភិវឌ្ឍវិស័យបរធនបាលកិច្ចនៅកម្ពុជាផងដែរ។