ប្រជាជនកម្ពុជាខ្ចីប្រាក់ពីធនាគារជិត ៦០ពាន់លានដុល្លារកាលពីឆ្នាំមុន ចុះតើចំនួននេះជារឿងអាក្រក់ឬយ៉ាងណា?

គិតត្រឹមដំណាច់ឆ្នាំ២០២៤ ប្រជាជនកម្ពុជា ប្រើប្រាស់កម្ចីក្នុងវិស័យធនាគារនិងហិរញ្ញវត្ថុរហូតដល់ជិត ៦០ពាន់លានដុល្លារ។ ទន្ទឹមនឹងនេះ ទិន្នន័យធនាគារជាតិនៃកម្ពុជាឆ្នាំ២០២៤ បានបង្ហាញថា ប្រាក់បញ្ញើអតិថិជនក្នុងវិស័យធនាគារនិងហិរញ្ញវត្ថុ បានកើនដល់ ៥៧ពាន់លានដុល្លារ។ ចំពោះបំរ៉ែបំរួលក្នុងឆ្នាំ២០២៣ និង២០២៤ ឥណទានមានកំណើនត្រឹមតែ៣% ប៉ុណ្ណោះ ខណៈដែលប្រាក់បញ្ញើមានកំណើនរហូតដល់១៦.៣%។ ចុះតើទំហំទឹកប្រាក់ដែលប្រជាជនកម្ពុជាខ្ចីប្រាក់ពីធនាគារ និងហិរញ្ញវត្ថុ វាស្ថិតនៅក្នុងស្ថានបែបណា? សមាគមមីក្រូហិរញ្ញវត្ថុកម្ពុជា បានបង្ហាញឲ្យដឹងថា បំណុល ឬឥណទាន មិនមែនសុទ្ធតែអាក្រក់នោះទេ ហើយឥណទាននៅកម្ពុជាត្រូវបានបញ្ចេញជូនអតិថិជនក្នុងវិស័យផ្សេងៗគ្នា (ពិពិធកម្ម) ដូចជា ការជូញដូររាយ ទិញផ្ទះជាកម្មសិទ្ធិផ្ទាល់ខ្លួន ការជួញដូរអចលនទ្រព ការខ្ចីជាបុគ្គល…