Cam Bank News

សមាគមមីក្រូហិរញ្ញវត្ថុកម្ពុជា សហការជាមួយធនាគារជាតិនៃកម្ពុជា និងអង្គការសហប្រជាជាតិ ដើម្បីការពារអតិថិជន និងពង្រឹងប្រតិបត្តិការផ្តល់ប្រាក់កម្ចី

ភ្នំពេញ ថ្ងៃទី៥ ខែកុម្ភៈ ឆ្នាំ២០២៥៖ ចាប់តាំងពីឆ្នាំ២០២៤ ធនាគារជាតិនៃកម្ពុជា (NBC) និងអង្គការសហប្រជាជាតិ (UN) បានដឹកនាំការពិគ្រោះយោបល់ដ៏សំខាន់មួយ ដើម្បីដោះស្រាយបញ្ហាប្រឈមសំខាន់ៗក្នុងវិស័យមីក្រូហិរញ្ញវត្ថុនៅកម្ពុជា ដូចជាបញ្ហាបំណុលច្រើនលើសលុប ហានិភ័យហិរញ្ញវត្ថុពាក់ព័ន្ធនឹងដីធ្លី និងកិច្ចការពារអតិថិជន។ បច្ចុប្បន្នគំនិតផ្តួចផ្តើមនេះ គឺស្ថិតក្នុងដំណាក់កាល ដែលកំពុងអនុវត្តយ៉ាងសកម្ម ដោយមានការចូលរួមពីភាគីពាក់ព័ន្ធជាង ១០០ស្ថាប័ន មកពីផ្នែករាជរដ្ឋាភិបាល អង្គការសង្គមស៊ីវិល គ្រឹះស្ថានហិរញ្ញវត្ថុ និងដៃគូអភិវឌ្ឍន៍ ដើម្បីពង្រឹងប្រតិបត្តិការផ្តល់ប្រាក់កម្ចី និងធានា នូវនិរន្តរភាពយូរអង្វែងរបស់វិស័យ។ ក្នុងនាមជាភាគីដ៏សំខាន់មួយ សមាគមមីក្រូហិរញ្ញវត្ថុកម្ពុជា (CMA) ប្តេជ្ញាសហការជាមួយដៃគូជាតិនិងអន្តរជាតិ…

ធនាគារជាតិនៃកម្ពុជា បើកកិច្ចប្រជុំជាមួយក្រសួងកសិកម្ម ជំរុញការអភិវឌ្ឍជនបទ និងដាំដុះ ផ្តត់ផ្គង់តម្រូវការក្នុងស្រុក និងនាំចេញ

កាលពីថ្ងៃទី៥ ខែកុម្ភៈ ឆ្នាំ២០២៥ នៅធនាគារជាតិនៃកម្ពុជា ឯកឧត្តម យឹម លាត ទេសាភិបាលរង ធនាគារជាតិនៃកម្ពុជា និង ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ បានអញ្ជើញធ្វើជាសហប្រធានដឹកនាំកិច្ចប្រជុំពិភាក្សាស្តីពី “ឥណទានកសិកម្ម” ដោយមានការចូលរួមពីថ្នាក់ដឹកនាំ និងមន្ត្រីជំនាញ ធនាគារជាតិនៃកម្ពុជា សមាគមធនាគារនៃកម្ពុជា សមាគមមីក្រូហិរញ្ញវត្ថុកម្ពុជា គ្រឹះស្ថានធនាគារនិងហិរញ្ញវត្ថុ និងស្ថាប័នពាក់ព័ន្ធនានាសរុបប្រមាណ ៤០រូប។ គោលបំណងនៃកិច្ចប្រជុំនេះ គឺដើម្បីពិនិត្យនិងពិភាក្សាអំពី…

ក្រោយពីឡើងថ្លៃកប់ពពក ថ្ងៃនេះមាសធ្លាក់ថ្លៃវិញ តែក៏មិនច្រើនណះណាដែរ

ក្រោយពេលប៉ុន្មានថ្ងៃ ដែលហាងឆេងមាសបានកើនឡើងស្ទើរតែមិនគួរឲ្យជឿ ដោយកាលពីម្សិលមិញ (ថ្ងៃទី៦ ខែកុម្ភៈ ឆ្នាំ២០២៥) មាសបានកើនឡើងដល់តម្លៃ ៣៤៦ដុល្លារក្នុងមួយជីជាតម្លៃលក់ចេញ ប៉ុន្តែថ្ងៃនេះ (ថ្ងៃទី៧ ខែកុម្ភៈ ឆ្នាំ២០២៥) មាសត្រឡប់ទិសដៅធ្លាក់មកចុះថ្លៃវិញ មកនៅត្រឹម ៣៤៥ដុល្លារក្នុងមួយជី ដោយនេះគឺជាការធ្លាក់ចុះត្រឹម ១ដុល្លារ។ ដោយឡែក បើគិតជាតម្លៃទិញចូលឯណោះវិញនោះ ម្សិលមិញមាសមានតម្លៃ ៣៣៦ដុល្លារក្នុងមួយជី ដោយថ្ងៃនេះមាសធ្លាក់ថ្លៃ ១ដុល្លារដូចការលក់ចេញដែរ មកនៅចំនួន ៣៣៥ដុល្លារក្នុងមួយជី។ សូមជម្រាបថា ហាងឆេងមាស ឡើងចុះអាស្រ័យតាមទីផ្សារអន្តរជាតិ៕

មានលុយរហែកចង់ប្តូរយកថ្មី ទៅដូរនៅទីនេះ មិនគិតថ្លៃសេវាសូម្បីមួយសេន

សាធារណជនមួយចំនួនដឹងរួចមកហើយ តែនៅមានខ្លះទៀតមិនទាន់បានជ្រាបច្បាស់ អំពីករណីផ្លាស់ប្តូររូបិយប័ណ្ណប្រាក់រៀលដែលរហែក ឬទក់ ដោយចង់បានក្រដាសប្រាក់ថ្មីមកកាន់ក្នុងដៃ តែមិនដឹងថាគួរផ្លាស់ប្តូរនៅទីណា ណាមួយបើប្តូរនៅតាមកន្លែងដូរប្រាក់តាមទីផ្សារក៏អាចត្រូវអស់ថ្លៃសេវាកាត់ទឹកតាមនោះដែរ។ បើតាមធនាគារជាតិនៃកម្ពុជាបានឲ្យដឹងថា លោកអ្នកអាចប្តូរប្រាក់រៀល ឬកាសនៅធនាគារជាតិនៃកម្ពុជាបាន ។ ធនាគារជាតិនៃកម្ពុជា នឹងធ្វើការផ្លាស់ប្តូរជូនលោកអ្នកដោយមិនគិតកម្រៃសេវា នូវក្រដាសប្រាក់រៀលដែលចាស់ឬរហែក ឬអ្នកអាចប្តូរពីក្រដាស ប្រាក់ ដែលមានចំនួនទឹកប្រាក់ធំទៅជាក្រដាសប្រាក់ដែលមានចំនួនទឹកប្រាក់តូចជាងមុន ឬពីតូចទៅធំ ទៅតាមតម្រូវការរបស់អ្នក ។ ដោយឡែក ធនាគារជាតិនៃកម្ពុជា ក៏អាចធ្វើការបដិសេធ មិនប្តូរជូនអ្នកចំពោះក្រដាសប្រាក់ណាដែលក្លែងក្លាយ ខូចរូបរាង ធ្លុះធ្លាយ ឬបាត់បង់ផ្ទៃក្រដាសច្រើនជាង៣០% ផងដែរ។ ក្រដាសប្រាក់បែបនេះ នឹងត្រូវធ្វើការដកហូត…

គួរវ៉ៃចេញ ឬទិញថែម បើមាសមួយថ្ងៃៗឡើងថ្លៃអីម្លឹងៗ

ហាងឆេងមាសនាថ្ងៃព្រឹកថ្ងៃទី៦ ខែកុម្ភៈ ឆ្នាំ២០២៥នេះ បានបន្តហក់ឡើងតម្លៃស្រឺតៗដល់ចំនួនបំបែកកំណត់ត្រា ៣៤៦ដុល្លារក្នុងមួយជី ខណៈម្សិលមិញមាសមានតម្លៃកើនឡើងដូចគ្នា តែកើនបានត្រឹម ៣៤៣ដុល្លារក្នុងមួយជី ជាតម្លៃលក់ចេញ។ ដោយឡែក សម្រាប់តម្លៃទិញចូលវិញ នៅថ្ងៃនេះ ហាងឆេងមាសគឺគិតក្នុងតម្លៃ ៣៣៦ដុល្លារ ធៀបនឹងម្សិលមិញចំថ្ងៃទី៥ ខែកុម្ភៈ ឆ្នាំ២០២៥ មាសគិតក្នុងតម្លៃហាងឆេង ៣៣៣ដុល្លារ។ សូមជម្រាបថា តម្លៃមាសឡើងចុះ គឺអាស្រ័យតាមហាងឆេងលើទីផ្សារអន្តរជាតិ៕

ថ្ងៃនេះមាសឡើងមកអង្រួនទីផ្សារ ក្រោយហាំងឆេងកើនខុសគ្នានឹងម្សឹលមិញដល់ទៅ ៤ដុល្លារ

ត្រឹមរយៈពេលមួយថ្ងៃ មាសមានការប្រែប្រួលតម្លៃហាំងឆេងគួរឲ្យកត់សំគាល់ ដោយតម្លៃមាសគិតនៅត្រឹមថ្ងៃទី៥ ខែកុម្ភៈ ឆ្នាំ២០២៥នេះ បានហក់ឡើងដល់តម្លៃ ៣៤៣ដុល្លារក្នុងមួយជី បើធៀបនឹងម្សឹលមិញមានតម្លៃត្រឹមតែ ៣៣៩ដុល្លារក្នុងមួយជី ដែលជាហាំងឆេងសម្រាប់លក់ចេញ។ ដោយឡែក សម្រាប់តម្លៃទិញចូលវិញ ថ្ងៃនេះមាសមានហាងឆេង ៣៣៣ដុល្លារក្នុងមួយជី ធៀបនឹងម្សិលមិញមានតម្លៃ ៣២៩ដុល្លារក្នុងមួយជី។ សូមជម្រាបថា តម្លៃមាសឡើងចុះ គឺអាស្រ័យតាមហាងឆេងលើទីផ្សារអន្តរជាតិ៕

ការលើកកម្ពស់គោលការណ៍ហិរញ្ញវត្ថុបៃតង ដើរតួនាទីយ៉ាងសំខាន់ក្នុងការឈានទៅរកសេដ្ឋកិច្ចគ្មានឧស្ម័នពុល

ភ្នំពេញ៖កម្ពុជា បានធ្វើជាម្ចាស់ផ្ទះរៀបចំវេទិកាស្តីពីទំនាក់ទំនងអន្តរកម្មនិងផលប៉ះពាល់នៃការវិនិយោគ លើបរិស្ថាន សង្គម និងការគ្រប់គ្រង (ESG) លើសេដ្ឋកិច្ចគ្មានឧស្ម័នពុល (Zero Economy) ក្នុងក្របខណ្ឌអាស៊ាននិងសិង្ហបុរី នាថ្ងៃទី៣ ខែកុម្ភៈ ឆ្នាំ២០២៥ នៅវិទ្យាស្ថានសិក្សាបច្ចេកទេសធនាគារ (IBS) រាជធានីភ្នំពេញ។ លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា អញ្ជើញចូលរួមជាអធិបតីក្នុងវេទិកាដែលមានការចូលរួមពីថ្នាក់ដឹកនាំ មន្ត្រី-បុគ្គលិក និងនិស្សិតសរុបប្រមាណជាង៣០០ រូប។ បទឧទ្ទេសនាមនេះត្រូវបានធ្វើឡើងដោយ លោកសាស្ត្រាចារ្យ Shandre Mugan Thangavelu ប្រធានវិទ្យាស្ថាន…

តើប្រាក់ដុល្លារហូរចូលមកស្រុកខ្មែរពីពេលណា ហើយហេតុអ្វីបានជាពលរដ្ឋខ្មែរប្រើប្រាស់យ៉ាងទូលំទូលាយម្ល៉េះ?

រៀល (អង់គ្លេស: Riel; និមិត្តសញ្ញា ៖ ៛; កូដ ៖ KHR) ជារូបិយប័ណ្ណជាតិរបស់ប្រទេសកម្ពុជា ជាមួយគ្នាប្រាក់ដុល្លារអាមេរិក ដែលជារូបិយប័ណ្ណរបស់បរទេស ក៏ត្រូវបានប្រជាពលរដ្ឋខ្មែរ ប្រើប្រាស់ប្រាស់ស្ទើរតែគ្រប់ទីកន្លែងនៅទូទាំងប្រទេស មិនថានៅតាមទីជនបទ ទីក្រុង ឬនៅតាមកន្លែងអាជីវកម្ម និងនៅក្នុងធនាគារនោះទេ។ យ៉ាងណាម៉ិញ តើទាក់ទងនឹងលំហូរប្រាក់ដុល្លារអាមេរិកចូលមកក្នុងប្រទេសកម្ពុជា កើតឡើងនៅពេលណា ហើយមូលហេតុអ្វីបានជាប្រជាពលរដ្ឋខ្មែរមានទំនុកចិត្តលើប្រាក់ដុល្លារ ហ៊ានចាយវាយយ៉ាងទូលំទូលាយម្ល៉េះ? ការប្រើប្រាស់ប្រាក់ដុល្លារយ៉ាងទូលំទូលាយនៅក្នុងប្រទេសកម្ពុជា បណ្តាលមកពីកត្តា ៤យ៉ាងគឺ ៖ កត្តាប្រវត្តិសាស្រ្ត កត្តានយោបាយ កត្តាសេដ្ឋកិច្ច…

មកដឹងពីប្រវត្តិជូរចត់របស់ធនាគារជាតិនៃកម្ពុជា ធ្លាប់បិទទ្វារដោយសារភ្លើងសង្គ្រាម

ធនាគារជាតិនៃកម្ពុជា ដែលជាធនាគារកណ្តាលរបស់ប្រទេសកម្ពុជា មានបេសកកម្មជាចម្បងទាក់ទងនឹងការកំណត់ និងដឹកនាំគោលនយោបាយរូបិយវត្ថុ ក្នុងគោលដៅរក្សាស្ថិរភាពថ្លៃ សំដៅរួមចំណែកជំរុញការអភិវឌ្ឍសេដ្ឋកិច្ចជាតិ។ ក្រោមការរួមចំណែកនេះ តើធនាគារជាតិនៃកម្ពុជាមានប្រវត្តិបែបណា និងត្រូវបង្កើតឡើងនៅពេលណា? ធនាគារជាតិនៃកម្ពុជាត្រូវបានបង្កើតឡើងនៅថ្ងៃទី២៣ ខែធ្នូ ឆ្នាំ១៩៥៤ បន្ទាប់ពីប្រទេសកម្ពុជាទទួលបានឯករាជ្យពីអាណានិគមនិយមបារាំង និងក្រោយពីវិទ្យាស្ថានបោះប្រាក់ឥណ្ឌូចិន ត្រូវបានបិទទ្វារ ហើយប្រាក់រៀលក៏ត្រូវបានបោះផ្សាយ និងដាក់ឱ្យចរាចរនៅថ្ងៃទី១ ខែមករា ឆ្នាំ១៩៥៥ ផងដែរ ។ នៅ ឆ្នាំ១៩៦៤ ក្រោមរបបសង្គមរាស្រ្តនិយម ធនាគារជាតិនៃកម្ពុជាត្រូវបានធ្វើជាតូបនីយកម្ម ដោយប្រែក្លាយពីស្ថាប័នពាក់កណ្តាលស្វយ័តទៅជាធនាគាររដ្ឋ ដែលមានលក្ខណៈឧស្សាហកម្មនិងពាណិជ្ជកម្ម ។ ធនាគារពាណិជ្ជក្នុងស្រុកទាំងអស់ត្រូវបានបិទទ្វារ ហើយរដ្ឋាភិបាលបានបង្កើតធនាគាររដ្ឋ…

កំពុងរកធនាគារមានការប្រាក់ទាប ខ្ចីពង្រីកអាជីវកម្ម ធនាគារ ជីប ម៉ុង ជាជម្រើសដ៏ល្អបំផុត

ជាអតិថិជនទូទៅ ដែលកំពុងតែមានគោលបំណងពង្រីកអាជីវកម្មឲ្យកាន់តែធំជាងមុន ប៉ុន្តែមិនទាន់មានដើមទុនគ្រប់គ្រាន់ និងណាមួយមិនទាន់ដឹងថា គួរតែជ្រើសរើសធនាគារមួយណា ដែលផ្តល់នូវសេវាកម្មកម្ចីមានភាពងាយស្រួល ក៏ដូចជាផ្តល់អត្រាការប្រាក់ទាប ផ្តល់ភាពងាយស្រួលផ្នែកហិរញ្ញវត្ថុសម្រាប់ការបង់ទៅកាន់ធនាគារវិញ ធនាគារ ជីប ម៉ុង ដែលមានគ្រឹះដ៏រឹងមាំដើរតាមគន្លងជោគជ័យរបស់ ជីប ម៉ុង តាំងពីឆ្នាំ១៩៨២ កំពុងផ្តល់នូវអត្រាការប្រាក់ដ៏ល្អជូនដល់អតិថិជន និងមានភាពងាយស្រួល។ សម្រាប់អតិថិជនមានគោលបំណងពង្រីកអាជីវកម្មឲ្យកាន់តែធំ ជាមួយកម្ចីអាជីវកម្មខ្នាតតូច និងមធ្យម នៅធនាគារ ជីប ម៉ុង ផ្តល់នូវអត្រាការប្រាក់ ០.៧២% ប៉ុណ្ណោះក្នុងមួយខែ និងមានភាពបត់បែន ដោយផ្តល់កម្ចីជូនលោកអ្នកបានយ៉ាងឆាប់រហ័ស ជាមួយតម្រូវការឯកសារមានភាពងាយស្រួល។ សូមជម្រាបថា…